Надмината кризата во колацијата на НДП и ДУИ?

Како што тврди советникот Зенон Исмаили, разговорите на централно ниво дале резултати и тој ќе продолжи да функционира со досегашните партии.

При тоа појаснува дека недразбирањата не биле само со ДУИ, туку и со СДСМ.

Не се работеше за недоразбирање само на релација со ДУИ, туку со целата коалиција. Нашиот меморандум за соработка е потпишан и со НСДП, ЛДП, ВМРО-НП, ДУИ и СДСМ. Ние како НДП во моментот имаме незадоволство по некои точки, кое во овој момент е надминато.- вели Исмаили.

Тој не сакаша да каже што точно е камен на сопнување во коалицијата, бидејќи станувало збор за интерна работа, но истакна дека преговорите продолжуваат. Исмаили е оптимист дека проблемите ќе бидат надминати засекогаш, но не ја исклучува можноста доколку не се исполнат нивните барања да ја прекинат соработката со СДСМ и ДУИ.

Неофицијално дознаваме дека НДП е незадоволно поради долгата постапка  за поставување на нивен член за директот во Домот за стари лица „Зафир Сајто„, како и поради нереализираните вработувања во општинската администрација и јавните претпријатија.