Зачленете се во нашиот клуб на читатели и најновите текстови ќе ги добивате на вашата мејл адреса
Денеска беше отворена изложбата на манифестацијата "Шарено јајце" која по дваесет и први пат ја организира центарот за култура " Трајко Прокоипев". Учество зедоа над 500 ученици од основните училишт, градинките и невладините организации.
Уметниците Трајко Тошевски , Борис Кукуњавски и Андријана Динева, ги оценуваа пристигнатите експонати на натпреварот за најубаво украсено велигденско јајце.
"Задоволни сме од одзивот на учесниците, како и од креациите кои пристигнаа во изминатите две недели. Оваа изложба традиционално ја организираме по повод христијанскиот празник Велигден и можам да кажам дека е успешна " - изјави Роберт Цветковски, стручен соработник во центарот.
Доделени беа 10 пофалници на поединци. Наградата за најдобра колекција ја освои училиштето "Браќа Миладиновци". Прво место освои ученичката Мартина Митевска од "Браќа Миладиновци", ,втората награда и припадна на Рабена Секиповска од истото училиште, а трета на Елена Филиповска од ОУ "Битолски конгрес" од село Лопате. Беше доделена и награда за иновација, која оваа година отиде во рацете на ученичката Магдалена Денковска од основното училиште "11 Октомври".
Зачленете се во нашиот клуб на читатели и најновите текстови ќе ги добивате на вашата мејл адреса
