Неисправна водата за пиење во Челопек

 Ова го покажала анализата на вода што ја направиле во Центарот за јавно здравје Куманово, по неодамнешните поплави.

“Во Старо Нагоричане земена е вода од локалниот водовод и трите јавни чешми во селото Челопек. Првиот примерок од водоводот не одговара поради многу висока матност и таа не е за пиење. Тоа е соопштено на населението, додека од јавните чешми водата е исправна. На 3 февруари земени се нови примероци од водоводот и сега ги чекаме резултатите да видиме какви ќе бидат“ - вели Мимоза Величковски, од Центарот за јавно здравје Куманово.

Вчера се замени мостри од водоводите во селата Клечовце, од бунари од селата Јачинце и Довезенце и утре ќе бидат готови резултатите.