28. 05. 2020 14:28

Поделена помош на 50 најзагрозени семејства од Козјачието

Поделена помош на 50 најзагрозени семејства од Козјачието

 Во текот на вчерашниот ден волонтерите од Општинската организација на Црвен крст Куманово, поделија прехрамбено-хигиенски пакети на 50 социјално најзагрозени семејства од Козјачкиот регион во Куманово.

Акцијата беше спроведена во соработка со Општинскиот штаб за заштита и спасување (ОШЗС) од Куманово, а со поддршка од АРМ од касарната „Боро Менков".

Бојан Петрушевски, секретарот при Црвен Крст во Куманово, потенцира дека овие семејства се особено погодени и од аспект на местоположбата, но и од аспект на нивната социјална состојба. Реакцијата на семејствата кога ќе им поделиш пакет е непроценливо искрена и благодарна, па дури и само поради фактот што некој мисли и на нив.  

„Практично помошта се донираше скоро во сите села коишто ги покрива Козјачкиот предел, особено во оние коишто се тешко достапни, раселени ридско планински предели, во кои комуникацијата со градот е отежната. Тие во овој период, реално, се имаат снабдувано многу потешко со храна, најчесто имаа правено залихи. Во овој период од кризата, тие беа пособено погодени и од аспект на местоположбата, но и од аспект на тоа што се социјални семејства. Ние и претходно им имаме помагано, секако во рамките на можностите,“ посочува Бојан,

Од Општинската организација на Црвен Крст од Куманово, додаваат дека во наредниот период, во соработка со ОШЗС и Центарот за социјални работи ќе се сконцентрираат и на делење помош на семејства коишто донесега не се опфатени, односно на оние семејства кои во овој период останале невработени, а не се евидентирани како социјално загрозени.

(Ф.М.)

2008 - 2019 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk