Зачленете се во нашиот клуб на читатели и најновите текстови ќе ги добивате на вашата мејл адреса
Во четврток во 20 часот во Центарот за култура, премиерно ќе биде изведена претставата „Ѕвонарот на богородичната црква во Париз„ од Виктор Иго, во изведба на независна група средноколци од Куманово. Режијата, сценографијата и костимографија се на Чедомир Митевски.
Во претставата играат десет актери, најголемиот дел се од гимназијата „Гоце Делчев„, но има и од Економското и Техничкото училиште, од различни години. Напорно работевме 3,5 месеци на проектот, а интересно е што претставата ќе ја играме на англиски јазик. Самостојно, на идеја на една Американка се зафативме да ја работиме оваа претстава и мислиме дека ќе имаме добри резултати- велат Чедомир и Мартин.
Актерската екипа ја сочинуваат: Томи Стојановиќ,Славиша Захариев, Теодора Мишевска, Бојан Стојковски, Зоран Трајковски, Мартин Захариев, Чедомир Митевски, Ангела Јаневска, Тамара Петковска и Марија Јордановска.
За претставата се изработени специјални костими со сретства на младите-актери, а дел се позајмени од Народниот театар. Овие млади и амбициозни средношкоци ги повикуваат кумановчани да дојдат и да ја погледаат нивната прва птерстава, бијеќи таа не е наменета само за нивната генерација, туку за сите љубители на театарската уметност. Ова е прва претстава што ќе се игра на англиски јазик во градот.
Зачленете се во нашиот клуб на читатели и најновите текстови ќе ги добивате на вашата мејл адреса
