Првооделенците се вакцинираат од морбили

 Поради епидемијата од морбили во Куманово се забраза вакцининацијата на сите првоодделенчиња во земјава. Ревакцинација од ова заразно заболување, наместо на седум години, од оваа есен е задолжителна за децата на шестгодишна возраст. Екипите од јавно здравје се веќе на терен, а вакцинацијата треба да ја завршат до 30 септември.

Веќе се посетени училиштата во Липково, Ваксинце, Матејче, училиштето Бајрам Шабани, а во наредните денови ќе се посетат и останатите училишта. Во Куманово имаме околу 1800 деца родени 2004 година, а со вакцинацијата ќе бидат опфатени и сите деца до 14 години што не се вакцинирани- вели др. Јадранка Стаменковска.

Досега во градот има регистрирано 21 дете заболено од ситни сипаници од ромските населби Средорек, Бавчи и Стари Лозја. Куманово е единствено во државата каде има прогласено епидемија на морбили.