Раселените лица за Мала Богородица во Матејче

Откако се раселени, секоја година празникот со роднините и пријателите го поминуваат во родното село.

Тука се пристигнати 60-70 луѓе и чекаме уште. Патот не е добар, и дожд врнеше ноќеска. Јас секоја година доаѓам  овде и нема проблеми со локалното население - вели Радован Станојковиќ, раселен од Матејче.

Горан Алексиќ од истото село вели дека пред месец дена доаѓале за да ја искосат тревата и да го средат дворот пред празникот.

Манастирот е во иста состојба како пред неколку години. Нема вода, цревото е украдено и сакавме и вода да доведеме. Доаѓаат раселените, наши луѓе кои се заминати во Скопје. Дојден е и свештеник, а денеска исто така ќе се освети и црквата  во село Умин Дол - рече Алескиќ.

Пред воениот конфликт од 2001 година во селото, покрај Албанци, живееја и повеќе од сто семејства Срби и Македонци. Манастирот “Света Богородица“ е еден од најстарите и најзначајните верски објекти во нашиот регион.