Распишан конкурсот за мартовски есеи на „Корени„

Еврозинска тема за Балканот,  простор на кој своето огниште го распослале  многу етнуикуми,  е вечна преокупација  на книжевните и другите автори од науките и уметностите. Тој е синоним на патината, стари цивилизации, создавањето, силни емоции, оригинално творештво, импресивни автори, но и поприште  на многу војни,зла, крвопролевања…,носејќи го со себе налепницата Буре Барут. Дали Балканот е некое несреќно Господово решение  каде со милениуми  доминираат мрачни сили,  морничава црнобелина, која со векови  и децении  му ја припишуваат  аналитичари, или тој е нешто сосема друго, богато изнијансиран простор каде обично,  судбинските  решенија ги носат некои  други.

Конкурсот трае до 10 април 2011 година. Материјалите во електронска форма ( ЦД, или по електронска пошта) да се достават до Редакцијата на “Корени”, ул. Христијан Карпош бр. 2 Куманово или на е-маил: [email protected]. Авторите своите  есеи можат да ги достават на македонски јазик, или  на својот мајчин јазик.

Редакцијата наградува три труда, со парична награда,  во категорија возрасни,   и  три труда, со посебни признанија, во категоријата млади есеи.