Зачленете се во нашиот клуб на читатели и најновите текстови ќе ги добивате на вашата мејл адреса
Мешани патроли составени од полицајци и родители викендов посетија повеќе кафулиња во градот и утврдија дека генерално се почитува забраната за точење алкохол на малолетници.
Од отсекот за превенција при СВР Куманово велат дека треба истото да важи и за местата каде се организираат забави на младите.
- Ги посетивме кафулињата во Гарнизон, угостителските објекти каде има ноќен живот, Градскиот плоштад, паркот кај Соколана и заклучокот е дека генерално законот се почитува. Превентивно треба да се делува кога се изнајмува простор за забава и прослава на родендени да не се конзумира алкохол. Родителите треба да не им купуваат алкохол, но и оние кои ги издаваат објектите да внимаваат - вели Виолета Богдановска од отсек за превенција при СВР Куманово.
Мешани патроли викендов ги обиколија кафулињата во Куманово и во Крива Паланка.