Зачленете се во нашиот клуб на читатели и најновите текстови ќе ги добивате на вашата мејл адреса
Во клубот “Христијан Т.Карпош“ денеска се одржа шаховски турнир, по повод 71 година од загинувањето на херојот Карпош.
Турнирот го организира Здружение на армиски и полициски ветерани за да му оддаде почит на великанот.
“Ова е трета година и турнирот добива традиционален карактер. Сите поканети екипи со максимум членови дојдоа. Играат максимално добро и се трудат да победат. Целта е да се одбележи денот на загинувањето на легендарниот Христијан Тодоровски Карпош“ - изјави Љупчо Спасовски, потпретседател на Здружение на армиски и полициски ветерани.
На турнирот се натпреваруваат екипи од АРМ, СВР Куманово, Црвен Крст, Зружение на пензионери и домаќините, Здружение на армиски и полициски ветерани.
“Дојдени сме четири члена од Црвен Крст. Играме шах, активно сме вклучени и ова ни е трети или четврти турнир. Се трудиме да научиме нешто од постарите“ - вели Раде Ристиќ, лидер на Клуб на млади во Црвен Крст.
За најдобрите на турнирот ќе има признанија.
Зачленете се во нашиот клуб на читатели и најновите текстови ќе ги добивате на вашата мејл адреса
