Зачленете се во нашиот клуб на читатели и најновите текстови ќе ги добивате на вашата мејл адреса
Градоначалниците на Куманово, Крива Паланка, Кратово,Ранковце, Липково, Старо Нагоричане и претставници од Центарот за развој на североисточниот плански регион се вратија со позитивни искуства од работна посета од регионот Литија од Словенија.
Размената на идеи и можност за соработка помеѓу двата региони создва предуслови за развој на североисточниот регион.
"Нивните проекти во кои учествуваат локалните власти,невладините организации и бизнис заедниците може да се применат и кај нас, особено за развој на помалите општини.Регионот Литија,има десетгодишно искуство во реализација на проекти од областа на руралниот развој, за кои користи средства од европските фондови.Кај нас е донесен законот за рурален развој, но потребно е донесување на подзаконски акти што ќе овозможи, формирање на групи, составени од локални власти, бизнис заедница и здруженија"-вели Атина Мургашанска,заменик раководител на центарот.
Проектите обработуваат различни области,почнувајќи од културата, спортот, па до користење алтернативни извори на енергија и развој на локален туризам.Разликата со планските региони од Македонија и Словенија е функционирањето на локални акциони групи.
Регионот Литија и Североисточниот плански регион ќе продолжат со соработка преку взаемни посети.
Зачленете се во нашиот клуб на читатели и најновите текстови ќе ги добивате на вашата мејл адреса
