Старо Нагоричане ќе добие Туристичко-информативно биро

Со поголема презентација на туристичкиот потенцијал и организирано прифаќање на гостите ќе се настојува да се привлечат што поголем број на туристи. Општината неодамна учествуваше и на манифестација Еко-етно Македонија во Скопје, каде се претстави како најголемо етно-село во државата.

Општината располага со голем број на културно-историски знаменитости и туристички потенцијал што беше претставен на посетителите. При тоа акцент се стави на здравата храна, на подготвување на традиционалните јадења, кои посетителите имаа можност да видат како се подготвуваат, а воедно и да ги вкусат.Презентацијата предизвика голем интерес за нашата приказна за развоју на селскиот туризам во Општината - вели градоначалникот Миодраг Јовановиќ.

Општината посебно е горда на мегалитската опсерваторија Кокино, црквите Свети Ѓорѓи, Забел, споменикот Зебарњак,  убавата и недопрена природа по течението на реката Пчиња во селата на Козјачието.