Зачленете се во нашиот клуб на читатели и најновите текстови ќе ги добивате на вашата мејл адреса
Општина Старо Нагоричане учествуваше на меѓународниот саем за туризам во Белград кој се одржа од 24 до 27 февруари годинава.
На саемот имаше повеќе од 900 излагачи, а Старо Нагоричане учествуваше заедно со Ќустендил од Бугарија и Сурдулица од Србија, под заедничко мото „Туризам - Карика која спаја“.
Покажавме дека три општини од три држави можеме заеднички да се организираме и да соработуваме за наши цели и идеи! Општината се претстави со своите потенцијали за туризам како културно - историски споменици и црквите: "Св.Ѓорѓи", Старо Нагоричане, црквите во Младо Нагоричане, двојната црква во Сув Ора, манастирите Забел и Карпино, спомен костурница Зебрњак, мегалитска опсерваторија Кокино итн. Посетителите имаа можност да чујат и за природни реткости како што се бањата Стрновац, реката Пчиња, Костоперска карпа, како потенцијал за развој на алтернативниот туризам- вели градоначалникот Миодраг Јовановиќ.
На саемот, штандот на општината го посетија повеќе туристички организации од Србија, како и познати странски тур - оператори, на кој им беа поделени печатени материјали за културно - историските споменици и природни реткости на општината.
Зачленете се во нашиот клуб на читатели и најновите текстови ќе ги добивате на вашата мејл адреса
