Ученици од “Перо Наков“ учеа маркетинг во Шпанија

Стекнатиото искуство денеска го пренесоа на нивните соученици.

Сакавме да ги споделиме нашите искуства и сознанија со нашите колеги наставници и учениците, како и со сите други средношколци кои сакаат да учествуваат на нашите работилници кои што ги организираме. На 19 и 20 април се организираше образовно рандеву во Тетово на кое што имавме штанд и фралерите од проектот ги поделивме на ученици од училишта ширум Македонија - изјави Гордана Стојановска, професор по економски предмети во “Перо Наков“.

Учениците се задоволни од она што го научиле за маркетинг истражувањата.

Нашата задача беше во Шпанија да се подготвиме за истражувањата на пазарот. Учевме и за методите, за маркетинг, прибиравме податоци, кои ги анализиравме и донесовме заклучоци. Стекнавме многу знаења, го вежбавме англискиот јазик, се запознавме со многу нови пријатели, со шпанската култура и добивме на крај сертификати. Истовремено ги презентиравме нашите сокови „Сано„ - вели Тамара Стојановска, ученичка во “Перо Наков“.

Нивни домаќини во Гренада биле училиштата “Колосеум“ и “Албион“. 

Десетмесечниот проект е дел од програмата за животно учење Леонардо Да Винчи и е финансиран од Националната агенција за европски образовни програми и мобилност.