За пчеларите годинава не е медоносна?

Велат дека последниве 15 дена сувото време со ветер не беше поволно за пчелите.

За нас ударни се мај и јуни, и во тие месеци додека цути багремот и чалијата, треба времето да ни се погоди. Сега очекуваме шумскиот мед да не „извади од кал“ - вели Бранко Тасевски, претседател на пчеларско здружение „Пчела“.

Тасевски вели дека при крајот на јули пчеларите ќе ги сумираат резултатите и ќе знаат колку мед собрале по кошница, дали е годината медоносна или не.