Зачленете се во нашиот клуб на читатели и најновите текстови ќе ги добивате на вашата мејл адреса
Во црката “Свети Никола“ владиката кумановско-осоговски Јосиф, служеше заупокоена литургија за загинатите полицајци во вооружениот судир во Куманово.
„Да се даде својот живот за своите ближни е најголема и највозвишена жртва која еден човек може да ја направи. Оттука, голема е и нашата обврска да им оддадеме секаква почит и никогаш да не ги заборавиме, но и да принесуваме молитви за покој на нивните души, и утеха на нивните најблиски. На богослужбата се произнесоа и молитви за побрзо закрепнување на останатите повредени полициски службеници, и утврдување на мирот во земјата“ - велат од епархијата.
Секое утро во следните четириесет дена во соборниот храм “Свети Никола“ во Куманово, ќе се богослужи света заупокоена литургија, за покој на душите на македонските бранители. Се повикуваат верниците да земат молитвено учество во овие богослужби.
Зачленете се во нашиот клуб на читатели и најновите текстови ќе ги добивате на вашата мејл адреса
