Ќе заживее ли тенисот во Куманово?

Тенисот е специфичен и скап спорт, а општината нема адекватен простор, ниту клуб каде децата можат да се зачленат и да тренираат.

Важни се три компоненти, да има заинтересирани деца, родители и тренер, бидејќи не смее да се испушти ни еден детал во совладување на техниката. Додека беше убаво времето со две деца тренираме на Градскиот Кеј, а со други две во салата на средното економско училиште. Се надеваме дека ќе добиеме сала од локалната самоуправа. Да се оформи клуб финансиски и кадровски е тешко, па затоа ќе функционираме како испостава на битолска академија за тенис која ја раководи колегата Златко Павловски - вели Горан Китановски, тренер.

 Тој додава дека во Куманово нема деца кои досега тренирале тенис, ниту пак учествувале на некој напревар. Доколку сега се почне со работа, за една година ќе има млади таленти кои достојно ќе го презентираат градот на ниво на Македонија.