Црна Гора и Норвешка во женското ракометно финале

Вчера репрезентацијата на Црна Гора ја совлада Шпанија со 27:26 и оствари историски резултат, а претходно Норвешка славеше против Јужна Кореја во првото полуфинале со убедливи 31:25.

Црногорките имаа 13:13 по првото полувреме, но со многу подобра реализација во вториот дел стигнаа и до пет голови позитива која со мудра игра успеаа да ја задржат до крајот. Булатовиќ со 9 и Поповиќ со 6 беа најефикасни во редовите на селекцијата која ќе се бори за златните медали.

Норвежанките пак го контролираа резултатот во сите 60 минути против Кореја и не му дозволија на противникот да поведе ниту еднаш (освен со 1:0). Со сигурна игра и постојана предност од неколку погодоци, фаворитот стигна до финалето каде ќе игра против изненадувањето на овој турнир.

Локе со 8 голови беше најефикасна во редовите на Норвешка, а интересно и двете селекции кои изборија пласман во финалето беа на четвртото место во групната фаза, инаку последно кое водеше во четврт-финалето.