Зачленете се во нашиот клуб на читатели и најновите текстови ќе ги добивате на вашата мејл адреса
Второто полуфинале во Купот на кралот помеѓу Атлетико и Севиља го одбележаа три пенали, три црвени картони, а на крајот славеше домаќинот со 2:1.
Атлетико Мадрид без Радамел Фалкао ја совлада Севиља со 2:1 во второто полуфинале од Купот на кралот. Овој меч го одбележаа три пенали, три црвени картони и бурни втори 45 минути.
Првото полувреме не донесе голови, а во вториот дел по само три минути игра Спахиќ направи пенал откако играше со рака во сопствениот шеснаесетник. Босанскиот репрезентативец заработи исклучување, а сигурен од белата точка беше Диего Кошта за 1:0 во корист на Атлетико Мадрид.
Сличен епилог имаше и во 56-тата минута, но на спротивната страна. Годин е исклучен поради играње со рака, а успешна реализација на ударот од 11 метри имаше Алваро Негредо за 1:1.
Уште еден пенал беше досуден во 76-тата минута, повторно за Атлетико Мадрид и повторно прецизен беше Диего Кошта за 2:1.
Во финишот на мечот немаше промени на резултатот, но Севиља остана без еден од клучните играчи Фернандо Наваро кој во 86-тата минута доби црвен картон.
Зачленете се во нашиот клуб на читатели и најновите текстови ќе ги добивате на вашата мејл адреса
