Зачленете се во нашиот клуб на читатели и најновите текстови ќе ги добивате на вашата мејл адреса
На вчерашниот фудбалски натпревар меѓу Градскиот фудбалски клуб Куманово и екипата на Шкендија Арачиново, кумановската полиција спречи инцидент меѓу навивачите.
„Вчера во периодот од 10.00 до 14.00 часот на стадионот во селото Доброшане, кумановско, за време на одигрување на фудбалски натпревар помеѓу екипите на ФК Куманово 2012 и ФК Шкендија, надвор од стадионот настанала вербална расправија помеѓу навивачите на двата клуба. Со навремена интервеција, полициските службеници од СВР Куманово ја прекинале расправијата и спречиле инцидент “, соопшти СВР Куманово.
Инцидентот бил предизвикан по вториот погодок на домашната екипа на ГФК Куманово. Незадоволни од резултатот, навивачите на Шкендија тргнале да се пресметаат, но со брза интервенција на полицијата бил спречен поголем судир меѓу навивачките групи.
Конечниот резултат од натпреварот меѓу ГФК Куманово и ФК Шкендија АД е 2:1.
Зачленете се во нашиот клуб на читатели и најновите текстови ќе ги добивате на вашата мејл адреса
