Зачленете се во нашиот клуб на читатели и најновите текстови ќе ги добивате на вашата мејл адреса
Српскиот тенисер Новак Ѓоковиќ успеа да ги залечи раните од неуспешниот настап на ОИ во Лондон со триумф на мастерс турнирот во Торонто. Светскиот рекет број 2, во финалето на 2,6 милиони долари вредниот Роџерс куп славеше над Ришар Гаске од Франција со 6-3, 6-2, со што успешно ја одбрани титулата.
Првиот носител Ѓоковиќ го победи во финалето 14-тиот во шемата Ришар Гаске (Франција) со 6:3, 6:2 и го освои по трет пат трофејот, откако триумфираше за првпат во 2007 година. Србинот не допушти брејк и стигна до успехот по само 61 минута игра. Тој ја освои 12-тата титула од турнирите од сериите „Мастерс“.
Неделата беше долга и тешка, особено за играчите кои дојдоа од Олимписките игри. Мило ми е што играв тука и уште повеќе се радувам што повторно ја освоив титулата- коментираше Ѓоковиќ, кој стигна до полуфиналето на Олимписките игри во Лондон, но отпадна од Енди Мареј.
Зачленете се во нашиот клуб на читатели и најновите текстови ќе ги добивате на вашата мејл адреса
