Зачленете се во нашиот клуб на читатели и најновите текстови ќе ги добивате на вашата мејл адреса
Љупчо Балковски, носител на листа на ВМРО-Народна партија во втората изборна единица, заедно со неговите соработници, денеска беа во посета на Куманово, каде се сретнаа со граѓаните и ја презентираа нивната програма.
Ние сме секојдневно присутни на терен, меѓутоа денеска бевме со граѓаните во централното градско подрачје. Мотото на нашата кампања е “Европа сега“ и наша цел е да ги охрабриме граѓаните на Општина Куманово слободно и демократски да размислуваат. Единственото решение за Македонија е брз влез во ЕУ и НАТО Алијансата, по што сите други проблеми ќе почнеме да ги решаваме. Како што сега стојат работите Македонија е во една очајна состојба. Морам да истакнам дека нашата опција е масовно прифатена од граѓаните, кои ни ја даваат подршката да истраеме и да очекуваме добри резултати на изборите, - изјави Балковски.
Балковски очекува дека ВМРО - НП ќе освоји 10 пратеници со што ќе влијаат на состојбите во државата и ќе придонесат за интеграција во ЕУ и НАТО. Од партијата на сите граѓани им го честитаа големиот христијански празник Велигден.
Зачленете се во нашиот клуб на читатели и најновите текстови ќе ги добивате на вашата мејл адреса
