ДПА: Го критикуваме градоначалникот во име на граѓаните

Досегашното дејствување на Демократската Партија на Албанците секогаш и во секоја пригода била јавна, транспарента и сериозна. Таква ќе биде и во понатамошното делување, како и комуникацијата со сите политчки експоненти, а во конкретниот случај и кон градоначалникот Зоран Дамјановски, не затоа што тој тоа го заслужува, но несакајќи да паднеме на негово ниво и да ги омаловажуваме нашите сограѓани – гласачи кои што му ја дале нивната доверба, како што тој практикува да ги омаловажува легитимните претставници на Албанците од Куманово, легитимирани со легален изборен процес- се вели во соопштението на ДПА.

Од партијата понатаму обвинуваат дека во градот и зградата на Општината недостасуваат натписите на албански јазик, се избегнува збратимувањето со градови од Албанија и не се презентира албанската култура и традиција во градот.

Ние ги претставуваме граѓаните на оваа општина, кои што не се задоволни од вашата работа и активност. Не ги персонифицираме работите, но се бориме против девијациите. Не сме од тие што заради лични придобивки ги заборавиле маките на тие што не избрале.Ние ќе ви се обраќаме и ќе ве критикуваме секогаш кога ќе увидиме слабости во вашата работа и одлуките што ги донесувате, било тие да се намерни или пак од негрижа- велат од ДПА.