Зачленете се во нашиот клуб на читатели и најновите текстови ќе ги добивате на вашата мејл адреса
Пчиња има подобар водостој од Крива Река, но како и сите други реки во земјава водостојот е низок бидејќи нема дождови и снег
Водостојот на реката Пчиња изнесува 104 цм на мерното место Катланово, а на Крива Река кај Крива Паланка само 17 цм. Од Управата за хидрометеоролошки работи објаснуваат дека лани реките имале повисок водостој.
Водостојот е низок, но сепак е во некои нормални граници. Во 1990 година е забележан многу низок водостој на реките. Имало случаи кога имало снег на планините, но поради мраз било суво и реките пак биле со ниско ниво. Од следната недела се очекуваат дождови, а за да дојде до поплави треба водостојот да биде над 2,5 метри. Оваа година зимата малку задоцни - вели Јосиф Милевски, раководител на сектор за хидрологија во УХМР.
Тој додава дека нискиот водостој на реките нема да се одрази на рибниот фонд бидејќи рибите мигрираат онаму каде има вода.
Зачленете се во нашиот клуб на читатели и најновите текстови ќе ги добивате на вашата мејл адреса
