Зачленете се во нашиот клуб на читатели и најновите текстови ќе ги добивате на вашата мејл адреса
Пожарникарите од Доброволно противпожарно друштво од Старо Нагоричане поминале обука за гаснење на пожари, за што добиле сертификати.
Обуката траела десетина дена и се состоела од теоретски и практичен дел.
“ Пожарникарите поминаа низ показни вежби, за гаснење пожари со противпожарни апарати, со возило, монтирање на црева и арматури противпожарни. Во тој дел имаше и часови од прва помош. Досега немале некаква обука, а сега 25 - те пожарникари, од кои 8 се вработени професионално како пожарникари се стекнаа со знаења, кои ќе им помогнат понатаму. Сигурно нема да остане само на оваа обука. Противпожарниот сојуз прави напори да се одржи уште некоја обука можеби и со некои меѓународни противпожарни друштва„ - вели Часлав Јовановиќ, секретар на Општински противпожарен сојуз Куманово.
Пожарникарите од општина Старо Нагоричане сами ги гаснат помалите пожари на територија на нивната општина, а за поголеми интервенции бараат помош од колегите од соседните општини.