Штрајк во ФЗЦ во понеделник?

 Како неофицијално дознаваме причина за штрајкот се неисплатените плати и придонеси на работниците во изминатите 6 месеци.  За таа цел е формиран штрајкувачки одбор од претставници на сите работни единици, кој ги повикал вработените во понеделник да дојдат во фабриката и да го подржат штрајкот. Работниците најавуваат дека нема да се врата на работните места се додека не се исполни нивното единствено барање исплата на сите заостанати плати и придонеси.

Во ФЗЦ се вработени околу 700 луѓе,  а само дваесетина посто се на работа, додека останатите се на принуден одмор. Фабриката веќе подолг период се соочува со финасиски проблеми и се очекува нејзино продавања на странски инвеститор.  За 8 декември беше најавено првото јавно надавање на акциите на Берзата, но тоа се одложи за јануари наредната година. Вработените, главно, се и акционери на фабриката.