KuRiders во нов состав

Ние како група постоиме повеќе од три години, но досега се менуваше нашето членство од најразличи причини. Ова е нашиот официјален состав кој  ќе  функционира во иднина. Подготвени сме да се посветиме целосно на нашето промовирање во јавноста и покрај тоа што сме свесни  дека тоа ќе бара  одредени одрекнувања.  Љубовта кон музиката не одржува, таа е наше секојдневие, наш мотив и инспирација. Сега буквално сме „затворени“ во подрумот, каде што случувањата околу нас,нашата преокупација и тоа што го чувствуваме и носиме во себе го преточуваме во музика, текст и така емоционално празнејќи, го подготвуваме нашиот прв авторски албум - велат членовите на групата.

„KuRiders“ досега настапувале на Стрит фестивалот, во клубот „SAX“, и „Клубот на хрватски музичари“ во кои настапувале многу познати ѕвезди од светски рамки со најразлични стилови и жанрови на музика.

Чест ни е да кажеме дека се започна од овој настан. Концертот на кој се претставивме пред хрватската публика беше авторски концерт и вистинска журка за сите присутни, меѓу кои имаше и многу професионални музичари и продуценти. Добивме многу позитивни критики, а и понуда од продуцентот Рејхан Окановиќ (гитарист во групата Пропаганда) за да го снимиме нашиот прв албум-велат музичарите.

Несакајќи да откриваат за песните, "KuRiders" најавиа  дека на него ќе гостува една хрватска ѕвезда, но се надеваат и дека ќе направат  преработка на песна од групата „Леб и сол“.

Членовите на групата се млади музичари на кои приоритет во животот им е музиката и рокенролот, и им  предстои блескава музичка карира.