Зачленете се во нашиот клуб на читатели и најновите текстови ќе ги добивате на вашата мејл адреса
Кумановските групи Cursed Heart, Out of Range и Phantasmagoria,настапија на годинешниов Урбан викенд што во сабота се одржа на Градскиот кеј. Младите музичари направија одлична свирка и ја воодушевија публиката со својата креативност и професионалност.
Трета година по ред градоначалникот и неговиот кабинет ја организира оваа манифестација,која полека но сигурно прераснува во своевидна традиција за младите неафирмирани бендови да добијат шанса и да го презентираат она што го сработиле. Оваа године како организатори сме задоволни од посетеноста и од квалитетот на учесниците, кои максимално професионално си ја одработија задачата, на моменти потсетуваа на вистински професионални бендови, а присутната публика знаешее да го препознае и награди со искрен аплауз- вели Мартин Костовски, портпарол на градоначалникот.
Тој вели дека локалната самоуправа ќе продолжи со организирање на слични манифестации, се со цел младите и талентирани музичари да добијат подршка за понатамошно усовршување и прикажување пред публиката.
Членовите на групите-учеснички се исто така задоволни од понуденото, и најавуваат дека допрва доаѓа нивното време за настапи и освојување на публиката.
Зачленете се во нашиот клуб на читатели и најновите текстови ќе ги добивате на вашата мејл адреса
