Зачленете се во нашиот клуб на читатели и најновите текстови ќе ги добивате на вашата мејл адреса
Во ноќниот клуб „Версај„ матурантите од сите средни училишта во градот уште еднаш ја прославија својата матура.Со познатиот хип-хоп музичар Слаткар и групата „Токсикологија„ матурантите заедно се журкаа до раните утрински часови.
Очекувам одлична журка, бидејќи настапувам пред матурантите, најхиперактивната публика во Куманово и мислам дека ќе биде одлично.Ќе изведам 22 нумери и настапот ќе трае околу два часа - најави Слаткар пред почетокот на забавата.
Матурската забава за сите матуранти, четврта година ја организира локалната самоуправа. Градоначалникот Зоран Дамјановски ги поздрави матурантите и им го честиташе полнолетството.
Среќен сум што вечерва можам да ви ја честитам матурата и полнолетството, еден од најсреќните моменти во животот, кога станувате рамноправни граѓани во општеството.Ви посакувам да го продолжите образованието таму каде што сакате и да ги совладате сите препреки во животот,бидејќи вие сте иднината на овој град со која ние се гордееме -им порача градоначалникот на матурантите.
Неговото обраќане беше проследено со одобрување и аплауз.
Прекрасно се забавуваме и голема благодарност до организаторите што го донесоа Слаткар, затоа што нашата генерација ја слуша неговата музика и ги знае неговите песни. Уште сме под импресии од прославата на матурата во училиштето, но ова заедничко дружење на сите матуранти е одлична идеја, бидејќи сите ние се знаеме од чаршија - вели една матурантка од гимназијата.
Организаторот за сите матуранти обезбеди беспланто пиење, а пред и по настапот на Слаткар музика пуштаа познати диџеи.