Манипулација – жолтите ленти во Германија не се наци-ленти за невакцинираните

Германија е една од земјите со строги антиковид мерки, каде невакцинираните имаат изразени рестрикции и можат да влезат на малку места, како аптеки и маркети, додека на работа секојдневно приложуваат тест, кој го обезбедува работодавачот. Токму покраината Хесен, каде живее нашинецот кој ја споделил фотографијата со жолтата лента, има едни од построгите правила. На интернет страната на Министерството за труд и социјала на Германија, а и на сајтот на Владата на покраината Хесен има широки инструкции за правилата за вакцини кај вработените, односно компаниите и работодавачите, но никаде не се споменува носење на некакви ленти. При пребарување на Интернет може да се најде дека ленти во различна боја се носат за да се разликуваат вакцинирани и невакцинирани со негативни тестови, но на популарните Божиќни базари

Десет најголеми дезинформации за вакцините во 2021 година

Со самата појава на коронавирусот и неговото брзо ширење поради што беше прогласена светска пандемија, научната заедница се посвети на пронаоѓање на вакцини коишто ќе го заштитат здравјето на човекот и ќе го запрат ширењето на вирусот. Досега се создадени неколку различни видови на вакцини, а земјите самостојно одлучуваат со која/кои вакцини ќе го имунизираат населението. Секоја лиценцирана вакцина е ригорозно тестирана во повеќе фази на испитувања пред да биде одобрена за употреба и редовно се проверува и откако ќе се воведе. Важно е да се знае дека придобивките од вакцините ги надминуваат ризиците од  манифестација на тешка форма на болеста ковид-19 и хоспитализација.  Иако вакцините против ковид-19, исто како и кои било други вакцини и лекови, можно е да имаат одредени нуспојави, сепак тие се премногу ретки. Но, ова придонесе масовно да се споделуваат невистини за нив и да се засилат антиваксерските наративи. Во продолжение прочитајте ги најголемите дезинформации кои што се ширеа за вакцините во 2021 година

Намален бројот на новозаболени, зголемен интерес за трета доза вакцина во Североисточниот регион

Неинформираноста и неедуцираноста на населението, поради отсуство на поголема и видлива кампања, се главна причина за малиот број на вакцинирани во Куманово и Крива Паланка. Сепак, официјалните податоци за имунизацијата  треба да се земат со резерва, бидејќи добар дел од граѓаните се вакцинирани во Србија, Бугарија, Скопје и на други вакцинални пунктови, а не се внесени во евиденцијата

Омикрон ја затвора Европа: Ова се мерките кои ги воведуваат земјите

Речиси еден месец откако новата варијанта на коронавирусот омикрон беше откриена во Јужна Африка, таа почна забрзано да се шири во Европа и според предвидувањата, би можела уште во февруари да стане доминантна. Како резултат на тоа, некои европски земји веќе се одлучија за построги и поригорозни заштитни мерки

Десет најголеми дезинформации за коронавирусот во 2021 година

Лажните вести ги преплавија социјалните мрежи, но и добар дел од медиумите во 2021 година. Ова се должи пред сè на пандемијата со коронавирусот која, иако трае речиси две години, сепак сè уште е главна тема за ширење дезинформации, особено на социјалните мрежи. И покрај тоа што десега во светот од ковид-19 заболеа милиони луѓе, а дел од нив  ја изгубија битката со болеста, сепак, на социјалните мрежи сè уште се шират дезинформации дека вирусот не постои, дека не е изолиран и дека е голема измама за некаков нов светски поредок. Во продолжение прочитајте ги најчестите и најсподелуваните измислици за коронавирусот во 2021 година

Паушални тврдења за појава на оток и плускавец по примена трета доза вакцина

Постот со објавена фотографија на отечена нога со плускавец, наводно, како резултат на примена трета доза од вакцината „Фајзер“ против ковид-19, е паушален и има за цел да ги изманипулира корисниците на социјалните мрежи дека споменатата вакцина е опасна. Од МАЛМЕД велат дека има пријави за сомнеж за несакани реакции кои претежно имаат лесна симптоматолгоија, но, кај нив  досега нема пријава за појава на оток со плускавец по примена трета доза вакцина

Не е точно дека омикрон е производ на вакцинацијата

Научно е потврдено дека од вакцините не може да се инфицирате од коронавирусот. Вакцината не содржи никаков жив или активен дел од овој вирус. Научната јавност е децидна дека најважниот фактор што го зголемува ризикот од мутации е ширењето на вирусот. Колку вирусот повеќе се шири на одредено место, толку е поголема веројатноста за уникатна мутација. Имено, варијантите на вирусите не се појавуваат поради тоа што луѓето се вакцинираат. Напротив, масовната вакцинација може да ги спречи варијантите. Според директорот за итни ситуации на СЗО, д-р Мајк Рајан, нема знаци дека новата варијанта на коронавирусот – омикрон, поуспешно ќе ги избегнува вакцините од другите соеви

Пет најголеми теории на заговор во 2021 година

Годинава која изминува во медиумите и на социјалните мрежи се пласираа неколку теории на заговор. Дел од нив стари и познати, овојпат се поврзуваа со пандемијата на коронавирусот, сугерирајќи дека таа е лажна и планска со цел воспоставување на некаков нов светски поредок во кој ќе се контролираат луѓето преку чипови од вакцините. Во тој дух на социјалните мрежи со огромна брзина се рашири конспиративната теоријата, според која Бил Гејтс има за цел да го збрише населението ширум светот со помош на вакцинацијата против ковид-19

Пет најбизарни дезинформации за вакцините во 2021 година

Здравствените власти нарачаа големи количини вакцини против ковид-19, без притоа да знаат колку од граѓаните во земјава се заинтересирани да ги примат. На почетокот од вакциналната кампања се вакцинираа оние граѓани кои сакаа да го сторат тоа, а потоа почна трката меѓу антивакциналните дезинформации од една страна и обидите тие да се сузбијат со официјални и точни информации од друга страна. Во текот на сите месеци додека трае имунизацијата против ковид-19, не престануваат и лажните наративи околу нејзината безбедност, ефикасност, состав, компликации кои наводно ги предизвикува. На крајот од годината ги издвојуваме најбизарните пет антивакцинални наративи споделувани на социјалните мрежи

Не е точно дека СЗО не препорачува да се носат маски во училиштата

СЗО има донесено препораки за употребата на маски во училиштата и тоа за секоја возраст. Не е точно дека СЗО нема препораки за тоа дали децата во училиштата треба да носат маски, како што се сугерира во објавата што ја анализираме. Таквите препораки се присутни на повеќе места од порталот на СЗО, како и во официјални публикации издадени од страна на организацијата

Произволни обвинувања дека во Британија со лекот „мидазолам“ се убиваат лица во старските домови

Тврдењата во постот дека во Британија „пак ќе ги убиваат старите низ старечките домови со мидазолам“ не се поткрепени со никакви докази. Нема изјави од официјални лица кои би го потврдиле тоа. Тврдењата се само нафрлени и произволни. Одделот за здравство и социјална грижа на Велика Британија (ДХЦС) децидно ги отфрла обвинувањата дека се користи „мидазолам“ за да се стави крај на животот на старите во старските домови

Сè погласно се зборува за задолжителна вакцинација против ковид-19

Во Европската Унија сè погласно се зборува за потребата од задолжителна вакцинација против ковид-19. Некои земји најавија дека вакцинацијата би станала задолжителна веќе од февруари идната година

Во тетовските училишта има малку деца заболени од ковид-19

Состојбата во тетовските училишта е стабилна, од Центарот за јавно здравје велат дека нема многу деца позитивни на ковид-19. Протоколите создаваат одредени тешкотии во наставата, но подобро на училиште со физичко присуство, отколку онлајн настава, велат просветарите

Доктор Бобан Вучевски: Има луѓе кои и по прележувањето на ковид-19 со тешки симптоми, не веруваат во болеста

Имаше многу пациенти кои не веруваа во оваа болест. Општо кажано, во нашите краишта имаме многу ниска медицинска култура, не се грижиме толку за нашето здравје за разлика од поразвиените земји. Кај нас медицинската едукација е сведена на минимум и затоа се соочуваме со проблеми, со голем број на срцеви болни, на кардиолошки и пулмолошки болни, а сега посебно имаме ситуација кога дел од луѓето не веруваат дека ковид-19 постои, или се убедени дека е некоја вештачка творба и дека се прават експерименти, вели доктор Бобан Вучевски во интервјуто за „Вистиномер“. Тој од почетокот на пандемијата се грижи за пациентите кои се лекуваат во Ковид центарот при Клиничката болница Тетово. За пожарот во модуларната болница вели: „Тоа беше голем стрес и трагедија за сите нас, мислам дека некои моменти не можат да се заборават“

ПЦР тестот не е лажна дијагностичка алатка

Наводниот цитат од Мулис, кој го измислил ПЦР методот во 1985 година, а потоа добил Нобелова награда за хемија во 1993 година, не е негов. Тврдењето е земено од текст напишан од Џон Лауритсен во декември 1996 година за ХИВ и СИДА, а не за ковид-19. Лауритсен не вели дека ПЦР тестовите не функционираат, туку појаснува дека идентификуваат супстанци квалитативно, а не квантитативно. Наспроти тврдењето во постот, молекуларните дијагностички тестови, како што е ПЦР тестот,  се златен стандард како метод за идентификување активна вирусна инфекција, како што е Сарс Ков 2, во респираторниот тракт

ПЦР тестовите не се ни отровни, ни озрачени!

Експериментот прикжан на видеото не покажува радиоактивно зрачење, но покажува колку опасни може да бидат манипулативните анонимни видеа со лажни тврдења во нив. Уредот во видеото е тестер за електромагнетно зрачење SoeHong DT 1130, којшто на Амазон може да се купи за 25 евра. Сите ПЦР тестови се стерилизирани со етилен оксид, гас за кој неосновано се тврдеше дека го прави тестот ,,отровен”. Како што веќе пишувавме на „Вистиномер“, етилен оксидот не е опасен зашто додека да дојде ПЦР тестот до човекот кој се тестира, тој веќе е изветреан и не постои