Вицепремиерот Николовски ги донираше дневниците за децата од социјално загрозени семејства

„По повод Денот на волонтерството ги посетив волонтерите и секретарот на Црвен крст Крива Паланка, Дарко Пешовски. Ми претставува особено задоволство што во рамки на оваа посета ги донирав патните трошоци што ми следуваа во текот на претходната година и кои ќе бидат наменети за новогодишни пакетчиња за децата од социјално загрозени
семејства“, истакна Николовски.

Тој го посети и Вакциналниот пункт во Здравствениот дом „Академик проф. др. Димитар Арсов“ и на медицинскиот персонал од пунктот и волонтерите им го врачи Пехарот на хуманоста, кој по традиција се пренесува од 2018 година и носи порака на хуманост, чесност и искреност.

Волонтерите од Општинскиот Црвен Крст му врачија благодарница за посебни заслуги во остварувањето на целите и задачите на организацијата, како и посебно посветена песна од благодарен граѓанин на кој Николовски му помогнал во тешки моменти.

„Благодарниците се знак на должна почит кон нашите најголеми поддржувачи и волонтери, кои секогаш се подготвени да дадат свој придонес во нашата хумана мисија. За нив не постои погодно или непогодно време, нивната поддршка е безусловна и се отповикуваат на секоја наша акција“, рече Дарко Пешовски, секретар на Општинската организација на Црвен крст.