Исланд - следен противник на Македонија

Одкако проминаа натпреварите со аутсајдерите во групата, од денеска македонските репрезентативци имаат вистински тест за квалитетот и можностите на нашата репрезентација.

За македонската спортска јавност веројатно нема поомразена репрезентација во кој било спорт од исландската во ракомет. Причината за тоа е добро позната: Исланд не оневозможи да настапиме на дури четири големи натпреварувања при што три пати беше подобар од нас во бараж, а еднаш во квалификациската група.