Зачленете се во нашиот клуб на читатели и најновите текстови ќе ги добивате на вашата мејл адреса
Македонската женска кошаркарска репрезентација се избори за победа над Гибралтар. 83-36 е резултатот со кој тие ги стартуваа настапите на Европското првенство за мали земји, што се одржува во земјава.
„Црвено-жолтите“ ја оправдаа улогата на фаворит. Најефикасна со 15 поени беше Гавриловска. Тантуровска постигна 14, а Раденковиќ 12 коша. Во вториот натпревар од нашата група, Австрија со 72-30 го декласира Велс.
Уште од самиот почеток на мечот, нашите кошаркарки покажаа дека се многу поквалитетни од противникот. По само три минути игра, преку неколку поени во серија на Раденковиќ, Тантуровска и Гавриловска, Македонија поведе со 15 - 0. Со цврста одбрана и брзи контри, избраничките на Лидија Милкова продолжија да го полнат кошот на противникот, a првата четвртина заврши со резултат 39-9.
Утре од 21.00 часот во салата „Билјанини Извори“ во Охрид, Македонија ќе се сретне со Австрија, а пред тој меч, се игра и другиот дуел од групата Б во кој силите ќе ги одмерат Велс и Гибралтар.
Зачленете се во нашиот клуб на читатели и најновите текстови ќе ги добивате на вашата мејл адреса
