Кошаркарот Гечевски започна со тренинзите

Тодор Гечевски почна да тренира и ќе биде дел од составот на МЗТ Скопје Аеродром на кошаркарскиот турнир Kупина-куп, кој ќе се игра утре и задутре во Ниш.

Најефикасниот кошаркар во домашното првенство за минатата сезона го повреди зглобот на раката за време на инцидентот поради кој беше прекинат мечот МЗТ – Черкаски мавпи.

Повредениот Kирил Николовски од понеделник ќе почне со полесно трчање и сигурно ќе ги пропушти првите три средби на македонскиот шампион во Јадранската лига, а за четвртото коло, кое се игра на 13 октомври, крилниот центар е неизвесен. На хуманитарниот турнир во Ниш ќе има и забава за публиката, а планирани се и натпревари во забивање и шутирање тројки.