Зачленете се во нашиот клуб на читатели и најновите текстови ќе ги добивате на вашата мејл адреса
Македонската машка ракометна репрезентација доби неверојатно добар распоред на Светското првенство во Шпанија, каде што вчерашната ждрерпка не смести во групата Б заедно со Данска, Исланд, Русија, Чиле и Катар.
Така, во првите две кола, избраниците на селекторот Звонко Шундовски ќе се соочат со „аутсајдерите“ Чиле и Катар, па со евентуални две победи веќе ќе бидеме во осминафиналето.
Кирил Лазаров и останатите го почнуваат походот на 12 јануари со дуел против Чиле, а два дена подоцна на ред е Катар. На 15 јануари следи пресметка со Русите, па по еден ден пауза следи и мечот со Исланд. Шлагворот доаѓа на крајот – дуелот со европските прваци Данска на 19 јануари, а претходно ќе имаме и еден ден пауза, што секако ќе биде драгоцено пред обидот за одмазда над скандинавците.
Македонија своите натпревари од групата ќе ги игра во Севиља, а осминафиналето е на програмата во Барселона.
Зачленете се во нашиот клуб на читатели и најновите текстови ќе ги добивате на вашата мејл адреса
