Кумановец шверцувал хероин во тетрапак сок

Кумановецот патувал со автобус, кој сообраќал на редовна автобуска линија од Куманово до Берн Швајцарија, а дрогата ја сокрил во тетрапак паковање од 1 литар сок, во кое било сокриено едно пакување облепено со кафеава салојтеп трака, наркотична дрога хероин.

При детален претрес на неговиот багаж дрогата била откриена. М.Џ. е приведен при што признал дека пред извесно време од непознато лице набавил дрога хероин со намера да ја пренесе надвор од Македонија, и да ја предаде на друго лице кое понатаму ќе ја препродава. Вредноста на запленетиот хероин со тежина од 490 грама на нарко пазарот би достигнала цена од 50.000 евра.

Против М.Џ. е поднесена кривична пријава за постоење на основано сомнение дека сторил кривично дело - “неовластено производство и пуштање во промет на наркотични дроги, психотропни супстанции и прекурзори”, казниво по чл.215 став 1 од КЗ на РМ. Инаку Истражен судија на пријавениот веќе му одреди мерка притвор во траење од 30 дена. Се преземаат дополнителни мерки и активности заради целосно расчистување на случајот, утврдување и кривично правно санкционирање и на други инволвирани лица.