Зачленете се во нашиот клуб на читатели и најновите текстови ќе ги добивате на вашата мејл адреса
Од СДСМ денеска на прес - конференција ја обвинија Владата дека не им дава согласност за дваесетина вработувања, а од друга страна наметнува 150 луѓе извлечени на лотарија да се вработат во локалните претпријатија и установи.
Од партијата тврдат дека вработени во основните и средни училишта, градската библиотека и Ученичкиот дом “Професор Мијалковиќ“ работат по 3 години, а сеуште немаат добиено решение.
Секоја година Општина Куманово до вас ги доставува согласностите од образовните и јавните институции во кои бара вработување на неопходен кадар кој се состои од хигиеничари, ложачи, хаус мајстори, воспитувачи, педагози, психолози, логопеди, дефектолози, зошто истите ги одбивате, а притоа ни испраќате 150 вработени од Македонски шуми, за кои ние ниту сме распишале конкурс, ниту сме доставиле барање за нивно вработување. Причината е едноставна – вие со тоа сакате тие луѓе да бидат платени од буџетот на локалната самоуправа, а не од буџетот на Република Македонија кој е во ваши раце. Барате пари од истиот локален буџет кој вие го блокиравте за тужба постара од 30 години - изјави Сашо Тодоровски, портпарол на СДСМ Куманово.
Тодоровски вели дека Владата за непочитување на закони ги казнува и апси граѓаните, а истата не почитува ни Устав, ни закони, ни колективни договори.
Од СДСМ побараа Владата да ги одобри вработувања во образованието со цел поквалитетно фунцкионирање.
Зачленете се во нашиот клуб на читатели и најновите текстови ќе ги добивате на вашата мејл адреса
