500x100-1
06. 12. 2019 15:53

Се садат дрвца на „Гоце Делчев“ и „Трета МУБ“

Се садат дрвца на „Гоце Делчев“ и „Трета МУБ“

 ЈП „Чистота и зеленило“ ќе засади 200 нови садници во центарот на градот. Акцијата ја почнаа вчера од улицата „Гоце Делчев“, а ќе продолжат на булеварот „Трета МУБ“, кон Зелениот пазар.

Целта е да се обноват и создадат нови дрводери во централното градско подрачје.

„Се работи за висококвалитетни листопадни садници, кои ќе придонесат за намалување на аерозагадувањето. Садиме претежно платан, липа и бреза. Овие дрвја имаат големи крошни, па покрај прочистување на воздухот дополнително ќе придонесат за создавање големи сенки во летниот период“, -  вели директорот на ЈП „Чистота и зеленило“ Даниел Стојчевски.

 Директорот апелира до граѓаните да не ги уништуваат садниците, како што е случајот со дел од дрвцата на улицата „Бајрам Шабани“, кои ги засадиле минатата недела.

2008 - 2019 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk