Се снимаат седниците на Советот на општина Куманово

Снимениот материјал ќе биде прикачен по завршувањето на седницата, со цел граѓаните да бидат запознаени со работата на Советот и одлуките кои се донесуваат.

“Целиот материјал за два часа по завршување на седницата ќе биде емитуван на веб страната www.kumanovo.gov.mk. Сите оние кои сакаат, можат да одат на сајтот, да ги следат расправите, да видат што се работи на седница на Совет“ - рече Бисера Благојевиќ, советник за односи со јавност во општина Куманово.

Одлуката за снимање на седниците на Совет, ја изгласа претходниот советнички состав и сега истата се реализира.