Зачленете се во нашиот клуб на читатели и најновите текстови ќе ги добивате на вашата мејл адреса
Од ВМРО - ДПМНЕ денеска на прес - конференција ветија дека невработеноста од сегашните 28,6 отсто за четири години ќе ја намалат на 22 отсто ако граѓаните им ја дадат довербата.
Резултатот од работењето на Владата предводена од ВМРО - ДПМНЕ е 119 186 нови работни места споредено со 2006 година, исто толку посреќни семејства. Но борбата со невработеноста не е завршена и ние не застануваме. Преку натамошно зголемување на нови домашни и странски инвестиции, голем број инфраструктурни проекти кои создаваат работа за домашните фирми, активни политики и мерки за вработување преку Агенција за вработување, силна поддршка на земјоделството и создавање на конкурентна работна сила ќе создадеме услови за натамошно намалување на невработеноста и креирање на нови работни места - изјави Зоран Ѓорѓиевски, кандидат на листа на пратеници.
Во наредните четири години се планира отварање на 64.000 нови работни места со инвестиции во индустриските зони во земјава.
Ѓорѓиевски вели дека е постигната историска вработеност од 40,9 отсто, а бројот на вработени е највисок досега и изнесува 685 479.
Зачленете се во нашиот клуб на читатели и најновите текстови ќе ги добивате на вашата мејл адреса
