Зачленете се во нашиот клуб на читатели и најновите текстови ќе ги добивате на вашата мејл адреса
Од општинскиот комитет на ВМРО-ДПМНЕ во Куманово, денеска на прес-конференција ги повикаа граѓаните во понеделник да присуствуваат на големиот собир во Скопје.
Велат дека овој мирен собир ќе биде народен одговор на сите сценарија за дестабилизација на Македонија.
“ВМРО-ДПМНЕ заедно со македонскиот народ, со сите граѓани, со Албанците, Турците, Власите, Ромите, Србите, Бошњаците и сите други, ќе излезе на голем народен митинг за поддршка на стабилна и силна Македонија. Граѓаните на Македонија ќе излезат за да покажат дека се за почитување на правото на глас, почитување на изборната волја, за отварање на нови работни места. Граѓаните на Македонија ќе покажат дека се за нови фабрики и автопати. Граѓаните на Македонија ќе излезат за да дадат поддршка на безбедносните сили, за зачувување на државните приоритети и интереси“ - вели Драган Петковски, претседател на ОК на ВМРО-ДПМНЕ Куманово.
Од партијата повикаа сите граѓани да им се придружат во понеделник во 20 часот, за силна и стабилна Македонија.
Зачленете се во нашиот клуб на читатели и најновите текстови ќе ги добивате на вашата мејл адреса
