Енрике Иглесијас и Ана Курникова тајно се венчале

 Шпекулациите за венчавката започнале кога во јавноста се појавиле фотографии на Курникова со веренички прстен и бурма на рака.

 Младиот Иглесијас и тенисерката во петок вечерале во еден холивудски ресторан, а фотографите ги сликали на излез. На фотографиите јасно се гледаат прстените.

Двојката е заедно веќе осум години, и во медиумите често се појавуваа приказни за нивна тајна веридба или венчавање, но никој од нив никогаш официјално не го потврдил.

Курникова на едно гостување во шоу програм рекла дека бракот нема поента, а и Иглесијас за медиумите изјавувал дека нема намера да се ожени.

Ана покрај со тенисот се занимава и со манекенство, а глумела во спотот на нејзиниот сакан.