Зачленете се во нашиот клуб на читатели и најновите текстови ќе ги добивате на вашата мејл адреса
Славниот италијански ренесансен сликар Леонардо да Винчи го насликал портретот на Мона Лиза според ликот на едно момче, кое било негов соработник и помошник при работата и најверојатно и негов љубовник, пишува „Дејли Телеграф“, повикувајќи се на тврдењата на италијанскиот историчар на уметноста Силвано Винцети
Најголемиот број од светските експерти по уметност верува дека на жената со загонетната насмевка на сликата е Лиза Џерардини, сопруга на еден трговец за свила од Фиренца.
Но, историчарот Винцети смета дека тоа е погрешно и дека зад женскиот портрет се крие ликот на младиот Џан Џакомо Капроти. Тој дошол во куќата на Да Винчи уште како дете на само 10-годишна возраст и останал кај него да живее и работи во следните 20 години.
Винцети тврди дека ликот на Капроти се среќава и на други слики на ренесансниот мајстор, посебно истакнувајќи го ремек делото Свети Јован Крстител. На таа слика, главниот лик е направен како млад, слаб и малку женствен лик на момче, што е сосема налик на изгледот на помошникот на Да Винчи.
Повеќе други експерти во ликовната уметност и познавачи на ренесансното сликарство се скептицни кон ваквото тврдење на Силвано Винцети. Претходно, некои историчари на уметноста веруваа дека Мона Лиза е всушност преправен автопортрет на славниот сликар, како и дека на портертот е прикажан ликот на мајката на Леонардо да Ванчи.
Зачленете се во нашиот клуб на читатели и најновите текстови ќе ги добивате на вашата мејл адреса
