Наум, Зуица, Дани и Влатко ќе пејат за Нова година

Оваа година се одлучивме за разноврсна програма со повеќе македонски пејачи, а не мега-концерт со една ѕвезда, како што практикувавме изминатите години. Во повеќе часовната програма учество ќе земат и кумановските пејачи Нино, Маргица Антевска, неколку дувачки оркестри, а настап ќе имаат и пејачи на ромската и албанска музика. Се надеваме дека со изборот на народни и забавни пејачи ќе го задоволиме вкусот на граѓаните од сите возрасти - вели Жика Крстевски, раководител на Секторот за култура.

Пејачите ќе ги пратат два оркестри. Програмата ќе трае од 22 до 2 по полноќ, а ќе има голем огномет.  Општината за највеселата ноќ во годината ќе потроши 10 иљади евра.