Новите соеви на вирусот не се предизвикани од вакцините

Сите научни докази говорат дека новите варијанти најмногу се шират помеѓу невакцинираните.  Вирологот Фридеман Вебер од универзитетот „Јустус Либиг“ во Гисен е дециден дека невакцинираните лица се оние кои ја предизвикаат мутацијата на вирусот. Наспроти тврдењето во постот, научно е потврдено дека од вакцините не може да се инфицирате со коронавирусот. Вакцината не содржи никаков жив или активен дел од вирусот SARS-CoV-2

Со руско видео се дезинформира дека ученик починал по примена Спутник вакцина

На почетокот на декември 2021 година, во училиште во московскиот регион, 17 годишен студент починал на час. За смртта има две причини кои циркулираат во руските медиуми, но ниедна не е вакцината против ковид-19. Во извештаите од руските медиуми не се ни споменува дали момчето било вакцинирано или не. Едната причина на која работат форензичарите е срцев удар, а втората откачен тромб

Не е вистина дека во 2019 починале повеќе од грип отколку во 2020 од коронавирус

Податоците коишто се изнесени во оваа објава немаат апсолутно никаква поврзаност со реалната ситуација. Бројката од 1.203 починати од грип во 2019 е целосна невистина и не е ни блиску до вистинската бројка на починати којашто е драстично помала. Но, дури и да беше точна оваа бројка таа, сепак, е дупло пониска од вистинската бројка на смртни случаи од коронавирусот во 2020 година – 2.503

Зголемен бројот на пациенти со кардиоваскуларни болести во охридскиот регион

Ковид-19 е мултиорганско заболување кое ги афектира не само белите дробови, туку и целиот кардиоваскуларен систем резултирајќи со различен степен на компликации, од полесни до потешки компликации поврзани со летален исход, велат лекарите. Во втората година од пандемијата во Специјалната болница за кардиоваскуларни заболувања „Свети Стефан“ – Охрид најчести дијагнози се пореметувања на срцевиот ритам, зголемен крвен притисок, тромботични проблеми и срцева слабост. Болницата има посебно болничко крило – ковид центар, во кој се лекуваат најтешките ковид пациенти со хронични кардиоваскуларни заболувања. Таму беа згрижени околу 200 пациенти од кои неколкумина беа вратени во живот од распиратор

Наближува ли крајот на ковид пандемијата?

Според епидемиолошката дефиниција, крај на една епидемија се прогласува кога во два циклуса на репродукција на вирусот, нема ниеден нов дијагностициран случај. За коронавирусот репродуктивниот период е 14 дена, па два циклуса на репродукција би биле 28 дена. Дали сме блиску или далеку од крајот на ковид пандемијата и дали воопшто ќе биде возможно целосно да се искорени коронавирусот? Или пак, крајот на пандемијата ќе дојде на начин што последиците од заразувањето ќе бидат минимални, а граѓаните лесно ќе ја поминуваат инфекцијата?

Комитетот за имунизација предлага трета доза да се прима за три месеци од втората вакцина

Во Министерството за здравство се разгледува можноста за намалување на временскиот период за примање на бустер доза, од шест на три месеци, со цел поголема заштита од новиот сој на коронавирусот – омикрон. Комитетот за имунизација ова го предлага врз основа на студии кои покажуваат дека веќе по четири месеци доаѓа до намалување на нивото на антитела. Во тек е постапка за усвојување на одлуката, велат од МЗ за „Вистиномер“

Пет најпопуларни надрилекарства против ковид-19 во 2021 година

Во текот на пандемијата со ковид-19 социјалните мрежи беа преплавени со понуди за разни надрилекарства, третмани и „бабини деветини” за  лекување на заразата. Некогаш овие „лекарства“ се користеа за да се промовира превенција од коронавирусот, а некогаш за да им се каже на граѓаните дека самите може да се излекуваат дома со препарати кои наводно „докажано штитат“ од ковид-19. „Вистиномер“ направи преглед на најчестите дезинформации кои годинава се пласираа за „чудотворните тремани“ кои штитат од коронавирусот, лекуваат доколку се заразите, па дури помагаат и за „детоксификација од вакцина“

Ширењето на „омикрон“ во Јужна Африка и Британија – лекција за можните сценарија во другите земји

Како „омикрон“ се прошири во Јужна Африка, земјата која прва го пријави новиот сој на коронавирусот во Светската здравствена организација, откако лекарка детектираше цел кластер од млади пациенти со необични симптоми на жесток замор?

Вакцинацијата е клучна за пациентите со бубрежни заболувања

Од почетокот на пандемијата стотина пациенти со бубрежни заболувања кои се лекуваат во Специјалната болница за хемодијализа во Струга, заболеа од коронавирусот. Лекарите укажуваат дека кај овој вид хронични болни од исклучителна важност е да бидат вакцинирани против ковид-19. Тие се во категорија на тешки болни со голем број на коморбидни состојби и доколку не се вакцинирани можноста за лош исход и компликации е далеку поголема. Нашите пациенти се многу свесни, ја сфатија нашата порака и над 90 отсто од нив веќе се вакцинирани со две дози, а кај голем процент во тек е вакцинација со бустер доза, велат од Специјалната болница за хемодијализа во Струга

Ковид: две години подоцна – Кои се пропустите од кои треба да се учи?

На научната дискусија насловена „Ковид: две години подоцна“ која се одржа на 22 декември, повеќе медицински експерти укажаа на тоа дека државата сè уште има висока стапка на смртност, додека во соседството таа опаѓа. Според нив, за да се поправи оваа лоша слика треба да има унифицирани протоколи за лекување

Пост на Фејсбук злоупотребува изјава на доктор Пановски

Микробиологот Пановски изразува сомнеж дека омикрон можеби е влезен во Македонија, а потврда за такво нешто немаше. Оттука, насловот на текстот линкуван во постот е погрешно формулиран, а на самата објава на Фејсбук ѝ недостига контекст, односно објаснување дека станува збор за претпоставка, а не за официјална потврда. Сојот омикрон на коронавирусот во земјава пристигна дури четири дена подоцна

Гевгелија на прагот на колективен имунитет, докторите апелираат внимателно да се празнува

Околу 70 отсто од возрасната популација во Општина Гевгелија е веќе вакцинирана со две дози. Досега трета доза вакцина на вакциналниот пункт во Гевгелија примиле 2. 240 лица. Мислам дека сме на прагот на колективен имунитет, вели директорот на гевгелиската болница, Димитар Крџев. Со ова се согласува и епидемиологот Сашо Олумчев, но напоменува дека тоа не треба да значи опуштање на граѓаните, истовремено апелира максимално да се почитуваат мерките за заштита и за време на празниците да се биде дома

Зошто е важна третата „бустер“ доза и дали таа ќе нè заштити од омикрон?

Без разлика дали сте здрави и сте решиле да примите бустер доза или сте некој кој е имунокомпромитиран и имате потреба од трета доза, овие дополнителни дози вакцини ќе обезбедат дополнителна поддршка на имунолошкиот систем, согласни се здравствените експерти. Без нив, луѓето може да бидат поподложни на ковид-19, што е особено загрижувачко бидејќи новите варијанти, како омикрон, широко циркулираат 

Топ три дезинформации за заштитните маски во 2021 година

Коронавирусот којшто веќе две години е присутен во целиот свет, се шири преку респираторните капки што луѓето ги исфрлаат кога зборуваат, пеат, кашлаат или киваат. Заштитните маски доколку се носат правилно и се комбинираат со други заштитни мерки помагаат да се спречи ширењето на коронавирусот. Но и покрај важноста на заштитните маски при спречување на ширењето на вирусот, на социјалните мрежи и во 2021 година се ширеа дезинформации кои неодговорно пропагираа да не се носат заштитни маски, а со тоа предизвикуваа штета на јавното здравје

Доктор неточно тврди дека вакцините против ковид-19 се експериментални

Вакцините кои се користат во Северна Македонија  не се експериментални. вакцината на „Фајзер“ стана првата вакцина во светот, која доби целосна дозвола за употреба од Американската агенција за храна и лекови. Европската агенција за лекови (ЕМА) ги одобри и вакцините на „Модерна“, „АстраЗенека“ и „Џенсен“, како што може да се види од официјалната страница на Агенцијата. Светската здравствена организација (СЗО) ја има одобрено вакцината на „Синофарм“ на 7 мај 2021 а „Синовак“ има дозвола  од 1 јуни 2021 година. Научно е докажано дека вакцината спасува животи и засега е единстевеното ефикасно средство за борба против коронавирусот

Топ пет дезинформации за ПЦР тестовите во 2021 година

Во 2021 година која изобилуваше со лажни вести поврзани со ковид-19, освен за самиот вирус и за вакцините, многу дезинформации се ширеа и за тестовите со кои се детектира коронавирусот. Тестирањето, пак, игра клучна улога при справувањето со пандемијата бидејќи заразените лица кои навремено ќе се тестираат и самоизолираат не го шират вирусот на други луѓе. Затоа уште на самиот почеток на пандемијата СЗО апелираше на масовно тестирање и навремено изолирање на заболените. Во продолжение прочитајте ги петте најголеми дезинформации за тестовите кои го откриваат коронавирусот